కడుపున నా బాబు పడ్డాడు
ఆశల తోరణాలు
ఆనాడే కట్టాను
ఎదుగుతున్న వాడిని చూసి
ప్రేమ పునాదులు త్రవ్వాను
చదువు కుంటానమ్మా అనటం విని
ఆనంద హర్మ్యాలకి
నా చెమటను ధారపోసా!
ఆ నదిలో వాడు
సంతోష తరంగాలలో
మునిగి తేలుతూ
విద్యకు తిలోదకాలిచ్చి
పనికిరానివాడిలా
నా ముందు నిలబడ్డప్పుడు
భవిష్యత్తును
వానజల్లు తుడిచేసింది
నా కోరిక, కష్టం
ఆదిలోనే పెరగని మొక్కలా
మిగిలిపోయింది
నా అనుభవం
మీకో గుణపాఠం కావాలి
కొడుకులున్న తల్లులూ
తస్మాత్ జాగ్రత్త!
